Ono šta je danas trajekt, nekad se zvalo vapor. I vapor i trajekt služidu čoviku uglavnon ka jedan autobus, samo ne vozidu, recimo od Splita do Omiša oli Trogira, nego plovidu na koji škoj. Kad je rič o Omišu, spominjen se da smo tamo šezdesetih godin putovali vaporon iz Omiša do Splita.
E, onda ni bilo toliko tonobili po škojima, pa su danas trajekti pobijedili – vapore.
Dok mi se po glavi vrti vapor-trajekt, odan u luku (danas se zove trajektno pristanište), moran opet na Vis. Tamo radin neke projekte pa gren na teren, pokazat skice investitoru. U ovi misec ovo mi je treći put da gren, posal je pri kraju.
Kako mi ni prvi put, stiga san lipo na vrime. Siguran use kupujen povratnu kartu, trajekt je već na svome mistu ka i nikidan, dajen noštromu biljet, penjen se gori,...